تقنية البلوب | أهم التقنيات للشعر الكيرلي
أهلا أهلا
تقنية البلوب من أهم التقنيات و الحركات اللي سهله و بسيطه بس مؤثره و فعاله للشعر استخدمها غالبا بروتيني لتصفيفي لشعري
لذا لنبدأ ~
ماهي تقنية البلوب plop ؟
هي تقنية لتنشيف شعرك و تعزيز الكيرلات بدل الطريقه العاديه انك تلمي شعرك بالمنشفه بشكل عشوائي عشان ينشف بالتقنيه هذه راح تكبسين شعرك ( كبس الشعر ) لمده طويله باستخدام تيشرت قطن .
في منها انواع بلوب رطب جاف مبلل و غيرها لكن اليوم راح نتكلم عن البلوب الاساسي و المهم فقط
فائدتها ؟
تنشف شعرك بشكل اسرع لكن مو 100% تحتاجي تفكيه بعدين عشان ينشف بالهواء أو الديفوزر
تعزيز الكيرلات و ابرازها، لفات شعرك بتزداد و تظهر لو مختفيه لأن هي كبس لمده طويلة
وقتها ؟
هذه التقنية تسويها بعد ما تصففي شعرك بالكامل بعد خطوه الجل او الرغوه و البعض يسويها قبلها خصوصا الناس اللى تسرح شعرها بعد ما تطلع من الحمام .
كم تظلي بالبلوب ؟ حسب رغبتك ، الشائع 20-30 دقيقه و بعدها تفكيه لينشف بالهواء أو بالديفوزر ، البعض ينام فيه شخصيا اطلع عن 20 دقيقه خصوصا بفصل الشتاء اخليه لين احس نشف اغلبه .
لمن هذه التقنيه ؟
للجميع حرفيا للجميع ! الكل راح يستفيد من هذه التقنية لكن الي بحاجه لوقت طويل للكبس مثل الويفي و الكيرلي المرتخي أو اللي نمط شعرهم متعب و غير ظاهر هذه الانواع راح تستفيد اكثر من غيرها .
طريقتها ؟
1- افردي التيشرت على الارض السرير او اي مكان حابه و خلي اكمام التيشرت عند جهة راسك
2- مثل ماهو ظاهر بالجيف اسقطي شعرك عموديا على التيشرت حتى يصير مثل الكبس
كبري باصابعك بالجوال لو صغيره
3- بالأكمام اربطي عند اخر راسك
4- باقي التيشرت ، امسكيه ثم رجعيه لورا و اطويه اخره طويه عرضيهحتى يصير نصفين نفس هنا
5- دخلي باقي التيشرت داخل جوا ، و انتهى ~
