SEKAI SAMA

موضوعنا اليوم راح يتطرق لثلاث حركات كل واحدة فيهم فيها  ثلاث فوائد’ هذه الحركات تقريبا متشابهه جدا وهن من اهم الحركات و لا غنى عن  واحده منها ،مو محتاجه تطبقيهم كلهم لكن واحدة منهم اكيد بتناسبك و نادر اشوف وحدة تصفف شعرها ويطلع بنتيجه مذهله و ما طبقت وحدة منهم

الغسل بالبلسم ~

هي طريقه لغسل الشعر ابتكرتها لورين ماسي افضل مصففه لشعر الكيرلي و اللي انا ماشيه ع طريقة عنايتها ( ماهي الكيرلي قيرل ميثود CGM ؟)
لمن ؟

✔ للي يعانو من جفاف الشعر الشديد للي كيرلي مره و شعرهم متعطش للترطيب و يفقده بسهوله ، لعالي المساميه ايضا
✗  غالبا ما ينفع لوقت طويل او قصير للي يدهن شعرهم بسرعه و لا الويفي و لا اللي يتراكم عندهم الشعر بسرعه
مميزاته :

✔ ترطيب الشعر بشكل مضاعف
✔ حماية الشعر من ضرر الشامبو
✔ تقوية الشعر
✔ الغسل بالبلسم ينفع كثير للي ما عندهم منتجات تصفيف متوفرة كثير زينا لان يعطيهم الترطيب اللي محتاجينه
شروطه :
1- انتظامك على الكيرلي قيرل ميثود ( ماهي الكيرلي قيرل ميثود CGM ؟)

منتجاتك تدخل بالحسبان اذا بتغسلي ببلسم لازم كلها تكون CG خاليه من السيلكون و الزيوت المعدنيه و الشمع .

لورين ماسي اول تقريبا من منع الاشياء الثقليه ليش ؟ عشان البلسم اولا ما يقدر ينظف هذه الاشياء و راح يتراكم الشعر سريع ثانيا البلسم لو فيه سيلكون راح يتراكم شعرك جدا و خصوصا بالفروه

2- الابتعاد عن الماسكات او الزيوت الطبيعيه صعبه الازاله من شعرك قبل الغسل بالبلسم
ممكن قبل الشامبو بس البلسم لا و صدقيني ما راح تحتاجي ترطيب الماسك لان البلسم حيوفره لك افضل من ترطيب ماسك كلها قشور موز ودهن

3- الغسل بالبلسم لا يعني ما راح نغسل شعرنا بشامبو ابدا
احنا فقط ناجل غسل الشامبو لاطول وقت ممكن
4- يكون نباتي بالكامل او تحتوي مكوناته الثمان الاولى على مواد نباتيه
البلسم يندرج تحت خانه ( النو بو / الغسل بدون رغوه ) في معه الغسول بالنباتات مثل الغسل بماء السدر و القمح او اي نبات من المشتهره بالغسول ، و السبب ان يكون نباتي هو ان النباتات غالبا فيها خصائص تساعد على التطهير و التعقيم و مناسبه جدا لمنطقة الفروة لورين كانت تستخدم خلطة و بلسم بالخزامى / اللافندر كغسول للشعر .
لمتى نستخدم الغسل بالبلسم؟ حسب شعرك و حاجته في كيرليات يقعدوا شهر فيه أو اكثر ثم ينقوا شعورهم بشامبو منقي خالي من السولفيت و في اسبوع أو اقل
الغسل بالبلسم قادر انه يعقم و ينظف شعرك لكن ما يزيل الدهون بشكل كبير مره وفي فرق كبير بين ازاله الدهون و ازاله الاوساخ

هل البلسم ينحط على الفروة ؟
هذا المقطع من الفيديوهات المرفقه مع كتاب لورين ماسي لكيف تستخدمي البلسم و كانت تحط على الجذور و الفروه و هذه الحركه هي اللي تقضي ١٠٠٪ على الهالو فريز (نفشه اعلى الراس) (مصطلحات لورين : ألقاب و تسميات الكيرلات ) اللي ٩٩٪ منا عندهم
كثير يقول راح يتضرر الفروه لكن من ايش ؟ من التراكمات ايش هي التراكمات ؟ طبقات من المنتجات تصير زي الدهن و الدبق و ذا فعلا صحيح عشان كذا نستخدم الشامبو المنقي الغير صحيح التخيل ان التراكم يمكن يحصل اول ماتحطيه حسب دهن فروتك و نوع البلسم راح يتحدد متى يتراكم فالشامبو لا تلغيه
طريقة استخدامه

2- نقطه مهمه مع البلسم راح تساعدك تطلعين التراكمات بالفروه بالاضافه تساعد على تحريك الدورة الدمويه فيطول الشعر اللي هي : الدعك / المساج بيدك في الفروه هذه الحركه نفس لما تسلوتي الصحون ،الاحتكاك اللي تسويه بيدك ع الفروه حيزيل لك الدهن


3- دلكي كل اجزاء فروتك من خلف الراس اعلى الكانبي (مصطلحات لورين : ألقاب و تسميات الكيرلات ) .

تحذيرات

الشي الاخر هو للناس اللي غالبا يفرطوا باستخدام الغسل بالبلسم و يتوقفوا عن الشامبو بعد ما يشوفو نتايج الغسل بالبلسم الرائعه سواء من ترطيب وتقويه الشعر او تقليل النفشه او حتى انها توفر عليك منتجات اضافيه

الشي هو استخدمي شامبو منقي و لا تتهاوني فيه مو بس للتراكمات كمان لترجعي تستفيدي من الغسل بالبلسم مره اخرى متى ما حسيتي شعرك في حاله سيئه جداا مدهن مره و دبق غسلي بالشامبو
المصدر